ഗസയിൽ ഒരു ഉന്മൂലനം നടക്കുകയാണ്. ഇസ്ലാലിമിക ഭീകരരെ ഓരോരുത്തരെയായി കണ്ടെത്തി വധിക്കുകയാണ് ഇസ്രായേൽ സേനയിലെ ഒരു പുതിയ പ്രത്യേക കമാൻഡോ വിഭാഗം. 2023 ഒക്ടോബർ 7 ന് യഹൂദരുടെ സിംചാത് തോറ ആഘോഷദിനത്തിൽ ഉണ്ടായ ഭീകരാക്രമണത്തിൽ പങ്കെടുത്ത 2,700 ഭീകരരെ ഒരു രഹസ്യ വിഭാഗം വധിച്ചതായി ഒടുവിൽ ഇസ്രായേൽ സ്ഥിരീകരിച്ചു; 3000 പേർ കൂടി നടപടി നേരിടാനുണ്ട് എന്നും സേന പ്രഖ്യാപിച്ചു.
2023 ഒക്ടോബർ 7-ന് ഇസ്രായേലിലേക്ക് നുഴഞ്ഞുകയറിയ ഓരോ ഭീകരനെയും കണ്ടെത്തി വധിക്കുക എന്ന ഒരൊറ്റ ലക്ഷ്യത്തോടെയുള്ള പ്രത്യേക ദൗത്യത്തെക്കുറിച്ച് ഐഡിഎഫും (IDF) ഷിൻ ബെറ്റും (Shin Bet) ആദ്യമായാണ് സ്ഥിരീകരണം നൽകുന്നത്. 'ഇസ്രായേലിന്റെ നിത്യത ഒരിക്കലും അസത്യമാവില്ല' എന്നർത്ഥം വരുന്ന ഹീബ്രു ചുരുക്കപ്പേരായ 'നിലി' (NILI) എന്നാണ് ഈ വിഭാഗം അറിയപ്പെടുന്നത്.
ഇതിലെ കണക്കുകൾ ഞെട്ടിക്കുന്നതാണ്. കൂട്ടക്കൊലയിൽ പങ്കെടുത്തതോ ബന്ദികളെ പിടിച്ചുവെക്കാൻ സഹായിച്ചതോ ആയ ഏകദേശം 5,000 ഭീകരരിൽ 2,700-ലധികം പേർ കൊല്ലപ്പെട്ടതായാണ് സ്ഥിരീകരിച്ചിട്ടുള്ളത്. വാരാന്ത്യത്തിൽ ഇസ്രായേൽ സുരക്ഷാ ഏജൻസികൾ പുറത്തുവിട്ടതും 'ദ ടൈംസ് ഓഫ് ഇസ്രായേൽ' റിപ്പോർട്ട് ചെയ്തതുമായ കണക്കുകളിലാണ് ഇക്കാര്യമുള്ളത്. കൂടാതെ, 300 പേരെ പിടികൂടിയിട്ടുണ്ട്; ഇവർ ഇപ്പോൾ പ്രത്യേക സൈനിക ട്രൈബ്യൂണലുകളുടെ നടപടികൾ കാത്തിരിക്കുകയാണ്.
ഭീകരരുടെ സ്വന്തം GoPro ദൃശ്യങ്ങൾ, മുഖം തിരിച്ചറിയൽ, കൃത്രിമ ബുദ്ധി, മോചിതരായ ബന്ദികളിൽ നിന്നും പിടിക്കപ്പെട്ട തടവുകാരിൽ നിന്നും എടുത്ത ഇന്റലിജൻസ് എന്നിവയിൽ നിന്നാണ് NILI അതിന്റെ ലക്ഷ്യം. ആരംഭിക്കുന്നത്. വെടിനിർത്തൽ നിലവിൽ വന്നതിനുശേഷം ഇവരെ തിരഞ്ഞ് സൈന്യം ഗാസയിലും മറ്റ് കേന്ദ്രങ്ങളിലും ചാരക്കണ്ണുകൾ പായിച്ച് നിരീക്ഷിക്കുകയാണ്. സൂത്രധാരന്മാരായ യഹ്യ സിൻവാർ, മുഹമ്മദ് ദെയ്ഫ്, മർവാൻ ഇസ്സ എന്നിവർ ഇതിനകം മരിച്ചു.
ആ ദിവസം, 1,200-ലധികം ഇസ്രായേലികളെ കൊന്നൊടുക്കി, 251 പേരെ ഗാസയിലേക്ക് ബന്ദികളാക്കി, സ്ത്രീകളും കുട്ടികളും വൃദ്ധരും ഉൾപ്പെടെ. ഇസ്രായേൽ ഒരു മുഖം പോലും മറന്നിട്ടില്ല എന്ന് ഇസ്രായേൽ പറയുന്നു. കൃത്യമായി കണ്ടെത്തി വിദഗ്ധമായി ആ ഭീകരെ കൊന്നൊടുക്കാൻ തന്നെയാണ് തീരുമാനമെന്നാണ് പ്രഖ്യാപനം. ഗസയെ തകർത്ത യുദ്ധം നിശബ്ദമായി തുടരുക തന്നെയാണ് ഈപ്പഴും.
Los están buscando y matando a todos y cada uno de ellos. Hasta el momento, 2700 personas han sido asesinadas de esta manera. La búsqueda de los 3000 restantes continúa
